Rustem Hoxha është kapiteni i Dinamos. Mbrojtësi durrsak është lojtari me më shumë eksperiencë në radhët e bluve, ka fituar titullin kampion me Teutën dhe Ballkanin, ndaj dhe shihet si njeriu i duhur për të mbajtur shiritin e kapitenit në krah, edhe pse luan sezonin e parë me kryeqytetasit.
Gjatë miqësoreve që Dinamo ka zhvilluar gjatë kësaj periudhe, ka qenë ai kapiteni i skuadrës. Trajneri Di Biagio i sheh atë dhe Behiratche si dyshen titullare në qendrën e mbrojtjes së bluve. Shiriti i kapitenit ka shëtitur shumë gjatë tri sezoneve të fundit te Dinamo.
Me rikthimin e kësaj skuadre në Superiore dy sezone më parë, kapiten u gradua Agim Ibrahimi, sezonin e shkuar kapiten ishte Sabien Lilaj, ndërsa pas dëmtimit të tij shiritin e mbajtën Asion Daja dhe Eni Imami. Tani Dinamo ka një kapiten të ri dhe ai është Rustem Hoxha.