Derbi i parë i këtij kampionati mes Partizanit dhe Tiranës përfundoi në barazim pa gola. Supersfida e javës së gjashtë ju dhuroi skuadrave vetëm nga një pikë dhe shumë entuziazëm në tribuna.
Në ndryshim nga derbet e kaluara, ai i ditës së shtunë ishte i qetë dhe me pak raste për shënim. Në pjesën e parë ishin bardheblutë ata që u shfaqën më kërkues, duke iu afruar golit në dy raste, por pa sukses. Pas përfundimit të ndeshjes, mësohet se lojtari i Tiranës Gledi Mici ka shfaqur një problem fizik në kofshë dhe këto ditë pritet të mësohet gjendja e tij, nëse do të jetë gati për takimin e javës së ardhshme ndaj Skënderbeut.