Deliallisi i zhgënjyer, Erzeni u mund nga Dinamo me shifrat 2-0 në “Air Albania”, në një takim të vlefshëm për javën e 31-të të kampionatit. Denison Silva zhbllokoi rezultatin në minutën e 19, ndërsa në të 72-tën ishte Kaçorri ai që vulosi rezultatin përfundimtar në 2-0. Dinamo ndez kështu garën për vendin e 4-t, të cilin e rimori me 3-pikëshin e fituar sot.
Pas përfundimit të ndeshjes, trajneri i Erzenit, Alfred Deliallisi dha një intervistë për “MCN” ku shtoi.
NDESHJA-Normalisht dihet nuk kishim çfarë të humbnim, vetëm fitorja na mbante në loje, me vjen keq në mënyrën se si i pësojmë golat, dhe sa vuajmë dhe sa humbasim te porta e kundërshtarit, dhe pastaj pësojmë gola shumë thjeshtë, te goli i dytë është një gabim që mund të ndodh, por më shumë më vjen keq që ja dhuruam golin kundërshtarit.
MBIJETESA-Për deri sa matematika na mban në lojë atëherë ne do luf.tojmë, ndeshje mbas ndeshje, pastaj shpresoj të kemi edhe fatin në dorë që të mund t’ia dalim.
DINAMO-Dinamo bën presionin me ftesë nëpër krahë, në momentin që portieri nis topin te mbrojtësi i djathtë ata presojnë fort. Unë gjithmonë i thoja që numri gjashtë të mos lëvizte dhe të qëndronte midis linjave, dhe ndrrimi i krahut të lojës të ishte me Sadikin dhe Atandën. Kjo nuk ndodhi sepse unë atë kërkova, por ishim shumë të avashtë në ndrrimin e krahëve, duke luajtur shumë pasa paralel dhe mbrapa”,- tha Deliallisi për “MCN”.