“Lajmi se Antonela Berisha ka qenë pjesë e spektaklit më të madh italian, Sanremo 2022, është një mashtrim,” ka thënë kryetari i Këshillit të Medias, Koloreto Cukali, i cili përmes hapsirës së Top Albania Radio, ka thënë se nuk ekziston aspak një lajm i tillë.
Sipas tij, ka qenë vetëm një media italine që e ka postuar dhe më pas lajmi është fshirë. Ai ka shtuar se, si një person që e ndjek vazhdimisht Sanremon, ka kërkuar për pjesëmarrjen e Antonela Berishës dhe nuk i ka rezultuar asgjë e tillë. Sipas tij ekzistonte vetëm një screenshot, nga një portal italian, por që sot nuk është.
Cukali tha: “Unë atë portalin nuk e gjej më. Ka portale që paguan. Kjo puna e Sanremos është thjesht në kokën e zonjushës, Antonela Berisha. Sanremo është një qytezë, që edhe ai që shet byreqe, thotë jam në Sanremo. Mirëpo, pjesëmarrja në qytet nuk të bën pjesë të një spektakli.”