Champions League/ Zbulohen datat kur do të zbresin në fushë Partizani, Ballkani dhe Struga

Këtë të martë në Nyon të Zvicrës duke nisur nga ora 14:00 është hedhur shorti i Champions League.

Tre skuadrat kampione të trevave shqiptare, Partizani, Ballkani dhe Struga janë njohur me kundërshtarët që do të kenë përballë në raundin e parë.

Në datat 11 dhe 12 korrik do të zhvillohen ndeshjet e para të raundit të parë, teksa më 18 dhe 19 korrik do të luhen ndeshjet e kthimit.

Ballkani do të vendoset përballë skuadrën e Ludogorets, një short “ferri” për ekipin nga Suhareka, që në ndeshjen e parë është pritës, pra luan në shtëpi.

Ndërsa Struga do të ketë rivalë në këtë raund skuadrën lituaneze të Zalgiris, ekip që ka eliminuar Ballkanin në raundin e parë të Champions League sezonin e kaluar. Ndeshje e parë Struga do ta zhvillojë në transfertë, pra në Lituani.

Partizani nga ana tjetër do të ketë kundërshtarë në këtë raund ekipin bjellorus të  BATE Borisov, me “të kuqtë” e Tiranës që në ndeshjen e parë janë pritës.

Related posts

Armando Broja në stërvitje me Everton, grumbullimi me Kombëtaren mbetet mister për sulmuesin

Gjermania fton dy lojtarë me origjinë shqiptare, zbehen shpresat që të vishen kuqezi (EMRAT)

Tentuan ta grabisin, sulmohet me thikë lojtari i Flamurtarit dhe përfundon në spital (FOTO)