E ardhmja e Kristjan Asllanit mbetet në pikëpyetje. Besiktas e huazoi me të drejtë blerje nga Interi, megjithatë deri tani nuk është vendosur asgjë.
Drejtuesit ndërkohë po presin fundin e sezonit për vendimin përfundimtar. Shifra që duhet për të blerë kartonin i kalon 10 milionë euro, për këtë askush nuk dëshiron që të nxitohet. Besiktas po ashtu synon që të përfitojë zbritje nga Interi, duke e bërë që të jetë skenar i ngjashëm si me Ernest Muçin. Për këtë të fundit është Trabzonspori që kërkonte zbritje.
Gjatë kësaj kohe, stafi i Besiktasit po e monitoron me kujdes Asllanin. Procesi i adaptimit në klub është po ashtu i rëndësishëm, përpos asaj që Asllani do të japë në fushë për pjesën e mbetur. Vetë stafi i ka pritshmëritë e larta, pasi ishte zgjedhja e tij për ta afruar pas huazimit të dështuar te Torino.