Mbrëmjen e djeshme u luajt “El Clasico” mes Barcelonës dhe Real Madrid, takim që përfundoi me fitoren e katalanasve 2-1. Një ndeshje e tillë mori vëmendjen e të gjithë tifozët, por nuk ngelën prapa as banorët më të famshëm në Shqipëri, banorët e “Big Brother Vip Albania”.
Konkurentëve iu dha mundësia të shikojnë spektaklin e “Camp Nou” për 90 minuta, teksa Luiz Ejlli mori përsipër të komentonte këtë përballje gjigandësh.
Mes batutave dhe humorit, këngëtari ia doli mjaft mirë të komentonte këtë sfidë, ndërsa banorët e tjerë mbanin “barkun me duar” nga të qeshurat. Shkodrani ditë pas dite po tregon “talente” të reja që ai zotëron dhe më komentin që i bëri ndeshjes me siguri do ta kishte “zili” çdo komentator. Ndërkohë komentatori që po komentonte këtë duel bëri një përshendetje për banorët, të cilët nisit të brohorasin.