Shqiperia ka barazuar ndaj Republikës Çeke në Pragë me rezultatin 1-1 për ndeshjet kualifikuese të “Euro 2024”.
Një ndeshje mjaft e mirë e kuqezinjve me shumë raste të krijuara në të dyja pjesët. Pjesa e parë u mbyll me rrjeta të paprekura me shanse nga të dyja ekipet, por pa finalizimin e duhur.
Në minutën e 56, vendasit “ndalën” zemrat e shqiptarëve duke kaluar në avantazh me një gol të dyshimtë në fillim por që u konfirmua më pas nga VAR. Atëher kur shpresat tona u venitën, djaloshi i artë Nedim Bajrami barazoi në minutën e 66 me një super gol që do të mbahet mend.
Shqipëria renditet e dyta në grup me shtatë pikë, duke mbajtur të ndezura shpresat për një përsëritje të historisë së “Euro 2016”.
