Armando Broja e nisi me këmbën e mbarë aventurën e tij të Burnley në ndeshjen e Kupës së Ligës kundër Derby County. Sulmuesi i Kombëtares shqiptare që në minutën e katërt të takimit, shmangu mbrojtësit dhe pasoi për Ramsey i cili me një gjuajtje të shpejtë shënoi golin e avantazhit. Armando Broja luajti për 63 minuta, duke ndjerë disi lodhjen fizike.
Takimi përfundoi 2-1 dhe Burnley kalon në raundin tjetër. Në fund të ndeshjes, trajneri Scott Parker foli për ndeshjen por edhe për paraqitjen e sulmuesit shqiptar: “Nuk mendoj se sonte isjhte prova e vërtetë për të gjykuar apo vlerësuar.Ai ka nevojë për minuta sepse ka qenë jashtë për shumë kohë. Ai është pjesë e skuadrës sonë dhe për ndoshta dy javë e gjysmë ose më tepër i duhen disa minuta më shumë në këmbë. Edhe kjo është stërvitje, kështu që do të jemi bashkë me të.