Lajme jo të mira për Partizanin, që pas fitores në derbi ndaj Tiranës, do të duhet të bëjë pa Arafat Doumbia. Futbollisti 21-vjeçar do të mungojë për 6 javë duke humbur vitin 2025, një lajm jo i mirë për trajnerin Oltjon Kërnaja që do të duhet të bëjë pa një ndër lojtarët kyç.
Arafat Doumbia u dëmtua në humbjen 4-1 me Vllazninë, për javën e tretë të kampionatit dhe për pasojë humbje tri ndeshjet që vijuan. Pas kthimit nga dëmtimi, 21-vjeçari ka luajtur titullar në nëntë ndeshjet e Partizanit, në të cilat janë arritur tetë rezultate pozitive dhe vetëm një humbje, kundër Dinamos. Fitorja me Tiranën ishte ndeshja e gjashtë radhazi me pikë e të kuqve, dhe Doumbia ka qenë protagonist në të gjitha, çka flet për rëndësinë e mesfushorit.