Mbledhja e Grupit Parlamentar të Partisë Socialiste, ku u diskutua çështja “Rakipi”, duket se është shoqëruar me përplasje mes deputetëve.
Ka qenë kreu i Grupit Parlamentar Taulant Balla, ai i cili ka dalë kundër vendimit të socialistëve për të mos shkarkuar Orlando Rakipin.
Sipas mediave me titra, Balla ka kërkuar shkarkimin e Rakipit, duke thënë se respekton vendimin e SHBA.
“Nëse ka diçka që ne si familje politike dallohemi nga të tjerët është se kurrë nuk kemi përdorur standarde të dyfishta. Qëndrimi ynë është i njëjtë gjithmonë dhe ne i respektojmë vendimet e Shteteve të Bashkuara, aleatit tonë strategjik”, ka deklaruar Balla.
Ndërkohë, kujtojmë se ish-deputeti socialist Aqif Rakipi u sanksionua nga Thesari i Shtetit në SHBA, ndërsa djali i tij, Orlando Rakipi është aktualisht deputet i PS-së në Parlament.