Al-Nassr raportohet se ka siguruar edhe zyrtarisht shërbimet e Cristiano Ronaldos.
Gazeta arabe, “Al-Arabiya“, duke u bazuar në burime, ka raportuar këtë të premte se ylli portugez e ka nënshkruar edhe zyrtarisht kontratën.
Sipas gazetës në fjalë, Ronaldo do t’i bashkohet Al-Nassr nga janari i vitit 2023, teksa kontrata e tij do të jetë e vlefshme deri në verën e vitin 2025.
37-vjeçari besohet se do të paguhet me 200 milionë euro brenda një sezoni.
Pesë herë fituesi i “Topit të Artë” te klubi nga Arabia Saudite do të kalojë si lojtar i lirë, pasi Manchester United së fundmi kishte shkëputur kontratën me të.