416
Elbasani nuk ka ndërmend të ndalet në merkato. Verdheblutë deri tani kanë afruar plot 8 futbollistë dhe të tjerë pritet të vijnë. Ditën e sotme ata kanë zyrtarizuar edhe blerjen e 9-të në këtë merkato. Verdheblutë kanë nënshkruar me sulmuesin Erjon Dragoj.
Dragoj luan si një sulmues krahu dhe pritet të jetë një vlerë e shtuar në ofensivë e trajnerit Nevil Dede. Kujtojmë që 23-vjeçari ishte pjesë e Korabit sezonin e fundit ku luajti për 23 ndeshje por pa gjetur rrugë e rrjetës.
Megjithatë kjo gjë nuk i ka penguar drejtuesit e Elbasanit të cilët vijnë me pretendime të mëdha këtë sezon. Verdheblutë synojnë të arrijnë sa më shpëjt rikthimin në Superiore.