Dinamo fiton në Korçë dhe kap zonën “Final Four”. Skuadra e Dritan Mehmetit triumfoi 0-1 përballë Skënderbeut vendas. Lorenco Vila ekzekutoi saktë një penallti në minutën e 52′, duke i dhuruar tri pikë tepër të rëndësishme 18 herë kampionëve të Shqipërisë. Pas ndeshjes, pati tension ku pjesë ishin tifozët e Skënderbeut dhe presidenti i Dinamos Adrian Bardhi.
Presidenti i Dinamo City-t, Adrian Bardhi, i ndodhur në tribunën VIP të stadiumit, është hasur në një situatë të pakëndshme në përfundim të ndeshjes. Kreu i klubit kryeqytetas ka debatuar me disa tifozë korçarë, të cilët të pakënaqur me arbitrimin e ndeshjes, kanë shfryrë ndaj tij.