Valentino Murataj duket pranë largimit nga Partizani. 27-vjeçari ka edhe një vit kontratë si “dem”, por në adresë të tij ka mbërritur një mundësi shumë e mirë dhe falë marrëdhënieve korrekte me drejtuesit, shanset janë që të largohet si lojtar i lirë. Hapoel Tel Aviv është klubi që po këmbëngul për shërbimet e Muratajt, një lajm i konfirmuar edhe nga mediat pranë izraelitëve.
Me këtë transferim Murataj do të përmbyllte transferimin e tij të parë jashtë vendit në karrierë dhe do të firmoste në një nga klubet më historike në Izrael. Gjithsesi, dëmtimi i pësuar kundër Marsaxlokk në Maltë e ka komplikuar këtë transferim, që duket se do të duhet të presë për konfirmimin final.