Florent Hasani është lojtari më i ri i Rapidit të Bukureshtit. Lajmin e konfirmon vetë klubi rumun i cili e bën zyrtare afrimin e sulmuesit në ekip. Me një postim në rrjete sociale, klubi mirëpret dardanin dhe e prezanton me shumë krenari si kreygolashënuesi i Superiores.
Florent Hasani mbyll kështu aventurën e tij me Tiranën e cila zgjati për 1 sezon e gjysmë duke shënuar 29 gola e 11 asiste me fanellën bardheblu, ndërsa ka fituar edhe 2 trofe: titullin kampion dhe Superkupën.
Shuma e transferimit nuk është ende zyrtare, por do të jetë rreth shifrës 500 mijë euro. Hasani kishte edhe 6 muaj kontratë me klubin dhe kështu Tirana vendosi ta shiste që në janar për të mos e humbur pa asnjë fitim.