Një incident është regjistruar gjatë mbrëmjes në një nga parkingjet e Tiranës. Burime për mediat bëjnë me dije se automjeti i opinionistes së Big Brother Vip, Zhaklin Lekatari, është dëmtuar.
Mësohet se automjeti i opinionistet ka qenë i parkuar në një nga parkingjet në zonën e stadiumit Dinamo, ku disa persona kanë shkuar gjatë natës dhe i kanë thyer xhamat.
Siç shihet dhe nga fotot, Lekatari është e prekur nga ajo që i ka ndodhur, teksa pranë saj qëndron një mikeshë që e ngushëllon.
Në vendin e ngjarjes kanë shkuar forcat e Policisë, ndërkohë deri më tani nuk ka asnjë njoftim zyrtar lidhur me këtë ngjarje dhe nuk dihen shkaqet të cilat kanë shtyrë këta shtetas të dëmtojnë mjetin e Lekatarit.