Një zgjedhje e gabuar dukej ajo e Xhakomo Vrionit për të shkuar në MLS dhe ashtu po rezulton. Sulmuesi shqiptar kishte mundësi për të qenë ende pjesë e kampionateve elitare në Europë pas supersezonit që zhvilloi me Tirolin.
Megjithatë do të vendoste për të shkuar te New England Revolution. Goli i parë mbërriti kundër Atlantës, teksa shokët e ekipit i lanë penalltinë për të fituar më shumë besim. Kjo nuk do të mjaftonte për Vrionin që të ishte “i transformuar” në ndeshjen e sotme ndaj Chicago Fire.
Në një moment të takimit, sulmuesi shqiptar ka shpërdoruar rastin flagrant ku nuk arriti të shtynte dot topin në rrjetë. Sa i përket kontrollit të topit dhe mënyrës për t’u ikur kundërshtarëve, Vrioni ishte për t’u vlerësuar, por sa i përket finalizimit, për t’u harruar.