Vora regjistroi një fitore të rëndësishme me shifrat 0-2 ndaj Tiranës, duke marrë tre pikë me vlerë në Abissnet Superiore. Ndeshja nisi me ritëm të mirë për të dyja skuadrat, por ishin miqtë që gjetën më shpejt rrugën e rrjetës. Në minutën e 12-të, Bardhi realizoi golin e avantazhit pas një aksioni të rrjedhshëm dhe gabimit të Fernandez duke kaluar Vorën në epërsi.
Tirana u përpoq të reagojë, por në minutën e 33-të erdhi goditja e dytë. Kasalla, i saktë nga pika e bardhë, dyfishoi shifrat për vorakët, duke e vënë takimin në binarë të favorshëm për miqtë.Në pjesën e dytë, kryeqytetasit shtuan presionin, por pa gjetur zgjidhje përpara portës kundërshtare. Vora administroi rezultatin me përvojë dhe qetësi, duke mbajtur kontrollin e lojës deri në vërshëllimën e fundit të arbitrit.
Me këtë sukses, Vora shkon në kuotën e 14 pikëve në vendin e gjashtë, ndërsa situata te Tirana është emergjente, vendi i fundit 6 pikë dhe sheh gjithnjë e më shumë ti largohet klasifikimit.