Egnatia, kampionët e Shqipërisë e nisin keq edicionin e ri të Superiores. Skuadra rrogozhinase mposhtet nga Vllaznia në “Loro Boriçi” me rezultatin 2-0, duke treguar se kampionët kanë shumë gjëra për të rregulluar këtë sezon. Një ndeshje që nisi keq kur në minutën e 19′ pas një goditje nga këndi, është Gurishta i cili me një gjuajtje me kokë në shtyllën e dytë gjen rrugën e rrjetës duke i dhënë avantazhin shkodranëve.
Në të 30-tën, shpërthejnë protestat në stadium pasi gjyqtari Maletaj lejon të vazhdojë loja pas një rrëzimi të Muratajt në zonë në vijimin e një kontakti me Poçin. Ai shkon të shohë vetë pamjet në VAR pasi ftohet të kontrollojë kontaktin në monitor dhe kthehet në fushë duke dhënë penallti për shkodranët. Balaj nga 11 metrat gabon, por kjo nuk demoralizoi shkodranët të cilët në pjesën e dytë shënuan në minutën e 49′ me Bajramin. Në këtë përballje u pa nervozizmi i miqëve të cilët mbetën me 10 lojtarë pas dy kartonave të verdhë të ëotlait. Mbyllet kjo përballje me 3 pikë për Vllazninë që hakmerret pas humbjes në finalen e edicionit të kaluar.