Në stadiumin “Loro Boriçi” të Shkodrës, Vllaznia ka arritur një fitore minimale por të rëndësishme ndaj Elbasanit, duke mbyllur sfidën me shifrat 1-0. Kuqeblutë konfirmuan formën e mirë në shtëpi, ndërsa miqtë nga Elbasani u larguan pa pikë, ndonëse luftuan deri në fund. Takimi nisi me ritëm mesatar, ku të dyja skuadrat shfaqën kujdes të madh në prapavijë.
Elbasani, i vetëdijshëm për forcën sulmuese të shkodranëve, preferoi të mbyllej në mbrojtje dhe të tentonte me kundërsulme të shpejta. Megjithatë, Vllaznia gjeti avantazhin në minutën e 41′, aksion i gjatë i shkodranëve me Kastratin nga e djathta që kroson në shtyllën e dytë ku vjen Jago dhe tund rrjetën e portës mike.
Pjesa e dytë nisi me tjetër frymë tjetër për Elbasanin që u hodh më shumë përpara, duke rrezikuar me disa aksione të rrezikshme. Portieri i Vllaznisë tregoi siguri në momentet kyçe, ndërsa mbrojtja shkodrane arriti ta mbante të paprekur portën deri në fund. Me këtë sukses, skuadra e Vllaznisë merr kreun me 13 pikë dhe Elbasani në vendin e dytë me 11 pikë.