Vllaznia firmosi një fitore me peshë përballë Partizanit, duke u imponuar 1-0 në një sfidë të fortë dhe të luftuar deri në fund. Kuqeblutë gjetën golin e avantazhit në minutën e 32-të, kur një aksion i ndërtuar mjeshtërisht mes Kallakut dhe Kastratit u finalizua nga ky i fundit me një goditje të saktë, që mposhti portierin kundërshtar.
Goli i Kastratit rezultoi vendimtar në një ndeshje ku Vllaznia tregoi organizim dhe disiplinë taktike, duke ditur të menaxhojë epërsinë përballë presionit të Partizanit. Të kuqtë u përpoqën të reagojnë në pjesën e dytë, por mbrojtja shkodrane u tregua solide, duke mos lejuar hapësira të rrezikshme.
Me këtë sukses, Vllaznia ngjitet në krye të renditjes me 39 pikë, po aq sa edhe Egnatia, duke konfirmuar ambiciet për titull. Nga ana tjetër, Partizani ndalet në vendin e pestë me 26 pikë, duke humbur terren në garën për zonën e sipërme të tabelës.
Një fitore që i jep moral dhe vazhdimësi Vllaznisë, ndërsa për Partizanin mbetet nevoja për reflektim në javët në vijim.