Në një sfidë të luftuar deri në sekondat e fundit, Vllaznia arriti të marrë një fitore të ngushtë, por tepër të vlefshme, ndaj Bylisit në Ballsh me rezultatin 0–1, përballje e vlefshme për javën e 7-të të Abissnet Superiore.
Pjesa e parë foli për një lojë të ekuilibruar, me të dyja skuadrat që kërkuan kontrollin e mesfushës. Vllaznia u tregua më e qartë në ndërtimin e aksioneve, ndërsa Bylisi mbështetej te kundërsulmet e shpejta. Goli i vetëm i ndeshjes erdhi në minutën e 83-të, kur pas një krosimi nga Esat Mala, Peralta në përpjekje për të larguar topin, shkakton autogol. Në minutat e fundit, tensioni arriti kulmin.
Bylisi barazoi rezultatin pas një aksioni të shpejtë në zonë, por goli u anullua nga gjyqtari pas rishikimit të sistemit VAR për një faull ndaj lojtarit të Vllaznisë, vendim që shkaktoi protesta nga lojtarët dhe stafi ballshiot. Pas shumë shtesë, arbitri vërshëlleu fundin e takimit dhe Vllaznia mori tre pikë të çmuara që shkon në kuotën e 13 pikëve, ndërsa Bylisi mbetet me duar bosh, megjithëse dha një paraqitje dinjitoze përballë një kundërshtari të fortë.