Visaj Bekaj me shumë gjasa po luan ndeshjet e fundit me fanelën e Tiranës. Gardiani i portës bardheblu ka përfunduar në radarin e skuadrave turke. Bëhet fjalë për Hatayaspor, ku trajneri Volkan Demirel ka pikasur kosovarin.
26-vjeçari ndodhet në fundin e kontratës me Tiranën, teksa rinovimi nuk ka ardhur ended he në këto kushte largimi drejt kampionatit turk është mëse i arritshëm. Nëse arrihet transferimi në Turqi, Bekaj pritet të firmosë një kontratë 3-vjeçare, ku do të përfitonte gjithashtu një rrogë të majme.
Sipas shtypit të shkruar bëhet me dije se shuma që pritet të marrë Bekaj është rresht 17 mijë euro në muaj. Gardiani i portës kryeqytetase është një pikë kyçe për formacionin e Orges Shehit dhe largimi i tij mund të ndjehet që me pjesmarrjen në Europë. Këtë sezon Bekaj ka luajtur 42 takime dhe ka qenë në fushë plot 3777 minuta.