Ish-deputeti i Partisë Demokratike, Ervin Salianji i është përgjigjur kryeministrit Edi Rama, pas ironisë që u i funfit bëri me procesin e përzgjedhjes së kandidatëve në PD.
Salianji shprehet se në politikën e Ramës ordineri u bë model, ndërsa krimin e ka ngritur në piedestal.
Në përfundim të reagimit të tij, Salianji thekson se Rama nuk i ofron dot asnjë model tjetër Shqipërisë dhe antimodeli i tij që përçmohet kudo sot do të flaket në koshin e plehrave në 25Prill.
Reagimi i plotë:
Rama nuk ka bërë zgjedhje por ka zgjedhur të imponohet, ju imponua me pagesa një pallat një votë Partisë Socialiste, ju imponua me vjedhje zgjedhjesh me përdorim bandash dhe baterdi urbane Tiranës, ju imponua me kriminelë, përdhunuesa, trafikantë dhe ordinere Shqipërisë në zgjedhjet e 2013! Ju riimponua duke ndaluar zgjedhjet Partisë Socialiste!
Ordineri u be modeli në politikën e Ramës!
Ai e ka ngritur krimin në piedestal dhe ka ndërtuar dhe imponuar modelin e ordinerit në politikë, shikoni kë ka përreth dhe provoni ta mbani përzjerjen.
Modeli i Ramës është ordineri i lagjes që imponon, komandon, emëron dhe drejton shtetin në zonën e vet, krimineli është sovrani në territor dhe qeveria është perfaqësuese e interesave pasurore dhe kriminale të ketij llumi! Prandaj Rama i stërprovuar nuk i ofron dot asnjë model tjetër Shqipërisë, antimodeli i tij që përçmohet kudo sot do të flaket në koshin e plehrave në #25Prill