Përplasje mes tifozëve dhe uniformave blu në Fushë-Krujë, pas përfundimit të ndeshjes Kastrioti- AF Elbasani, përballje e vlefshme për javën e 26-të të Kategorisë së Parë. Policia ka bërë të ditur se ka shoqëruar tifozin me iniciale A.B 30-vjec, pasi ky i fundit ka goditur me bidon njërin prej policëve që ndodhej jashtë perimetrit të stadiumit.
LEXO MË SHUMË:Erdhën me bujë te AF Elbasani, klubi ndërpret bashkëpunimin me dy lojtarët (EMRAT)
Pas këtij incidenti, punonjësi i policisë i ka bërë thirrje të ndalojë veprimin e tifozit, por në këto momente është hasur me zemërimin dhe një reagim nga i gjithë grupi i tifozëve, jo vetëm kaq, por në momentin që efektivi i policisë ka ndërhyrë për ta shoqëruar, ka hasur rezistencë nga 30-vjeçari dhe nga tifozët e tjerë.
Në pamje shihen edhe lojtarët e AF Elbasanit, të cilët shkojnë pranë tifozëve për të qetësuar gjendjen.Pas këtyre momenteve, është dashur ndërhyrja e policëve të tjerë ku dhe kanë bërë shoqërimin e tifozit në Komisariatin e Krujës.
Dede: Përgjegjësia ime për barazimin, keqardhje për lojtarët
Trajneri i Elbasanit, Nevil Dede, në prononcimin e tij për “Panorama Sport” pas ndeshjes pohon se i vjen keq për pësimin e dy golave, pasi me atë që dhanë në fushë meritonin të dilnin me tri pikë. Gjithsesi, me ndalimin e Bylisit, verdheblutë rikuperojnë një pikë me rivalin që i rrezikon vendin e parë. “Përgjegjësitë e këtij barazimi janë vetëm të miat si trajner.