Persona të papërgjegjshëm në timon janë burim për aksidentet në rrugë. I tillë është edhe rasti i një të riu, i cili shfaqet në një video duke drejtuar makinën me këmbë në timon.
Videoja është publikuar nga faqja “Aksidente rrugore”, ndërsa nuk dihet identiteti i të riut.
Në video duket drejtuesi i mjetit, i cili është i shtrirë me këmbë në timon dhe kroskot, ndërsa shpejtësia e makinës është relativisht e lartë për rrugën ku po kalon.
Po në të njehjen faqe u denoncua pak ditë më parë rasti i një të riu i cili hipte sipër makinës në lëvizje për të realizuar një video në TikTok. Policia arriti ta identifikonte duke i hequr më pas patentën, si dhe i vendosi 60 mijë lekë gjobë.