Humbja e jetës së 3 vjeçarit si pasojë e anestezisë të bërë nga mjeku Roland Xhaxho, ka ngritur në këmbë instancat shtetërore. Ndonse familjarët shprehen se shkak ishte anestezia, mjeku në versionin e tij shprehet se vogëlushi ishte me probleme shëndetësore.
Nisur nga kjo, Prokuroria e Tiranës, ka nisur hetimin për veprën penale “Neglizhenca në trajtimin mjekësor”, për vdekjen së 3-vjeçarit pas trajtimit të marrë në një klinikë dentare në kryeqytet.
Prokuroria njofton se po vijon kryerja e veprimeve të tjera procedurale në lidhje me procedimin penal, me qëllim evidentimin e të gjitha rrethanave dhe shkaqeve të vdekjes së shtetasit.