KF Tirana duhet t’i paguajë UEFA-s një gjobë prej 25.620 eurosh, për sjelljet e papërshtatshme në sfidën e parë të turit të parë të Conference League që u zhvillua në Tiranë ndaj Dinamos së Batumit. Ky është vendimi i Trupës së kontrollit të etikës dhe disiplinës së UEFA-s, e cila nuk ka falur asnjë gabim të tifozëve.
Për fishekzjarrët e hedhur në fushën e lojës, Tirana është gjobitur 17,000 euro. Për hedhjen e objekteve në fushën e lojës është gjobitur 8,620 euro. Gjithsej janë 25,620 euro gjobë për ndeshjen e parë që u luajt në Tiranë ndaj Dinamos së Batumit.
Trupa e kontrollit të etikës dhe disiplinës së UEFA-s, në mbledhjen e ardhshme, do të marrë në shqyrtim edhe ngjarjet e ndodhura në sfidën mes Tiranës dhe Beshiktashit më 3 gusht 2023.