Ditën e djeshme, Ora është fotografuar e ulur përkrah tenistit serb Novak Djokoviç. Të dy ishin duke ndjekur finalen e Rugby-së pranë njëri-tjetrit dhe fytyra e Rita Orës dukej e qeshur.
Një moment që jo vetëm i ka zhgënjyer por nuk i ka pëlqyer aspak opinionit publik shqiptar, të cilët kanë ironizuar në rrjete sociale patriotizmin më të cilin Ora është përpjekur gjithmonë ta shesë veten.
Lidhur me këtë ngjarje, i ati i Rita Orës, Besnik Sahatçiu, ka reaguar përmes një postimi në rrjetet sociale, teksa ka publikuar disa foto, ku Rita Ora shihet nën shoqërinë e bashkëshortit të saj.
Përmes këtij postimi, babai i Rita Orës ka dashur të tregojë qart se në fakt Djokovic ka qënë i ulur një rresht pas këngëtares ndërsa përkrah shihet bashkëshorti i saj. Duket se tenisti i njohur ka ndryshuar pozicionin e tij gjatë zhvillimit të ndeshjes, duke shpjeguar qartë fotot që janë bërë virale dhe që nuk janë pritur aspak mirë nga publiku shqiptar.
Kujtojmë se kjo nuk është hera e parë që Rita Ora ‘gabon’. Ajo mori kritika të mëdha pak kohë më parë, teksa u shfaq në skenë duke mbajtur mbi supe flamurin e Serbisë.
Vetë këngëtarja u shfajësua me faktin se nuk ishte në dijeni se cilit shtet i përkiste flamuri që iu hodh në skenë nga një fans.