Kriza e emigrantëve vijon të jetë problem shqetësues në Mesdhe
Ndërsa Italia është në “luftë” me emigrantët e ardhur në Lampedusa, një ngjarje e rëndë ka ndodhur në një prej varkave me të ardhur nga Afrika e Veriut, raportojnë mediat e huaja.
Një foshnjë e porsalindur është gjetur e pajetë në një varkë që transportonte emigrantë në ishullin italian të Lampedusa. Foshnja u gjet gjatë një shpëtimi të rojes bregdetare dhe thuhet se vdiq menjëherë pasi lindi gjatë udhëtimit.
Vetëm disa ditë më parë një djalë pesë muajsh u mbyt kur një varkë me emigrantë nga Afrika e Veriut u përmbys.
Italia po përballet me një rritje të të ardhurve, duke bërë që kryeministrja italiane Giorgia Meloni të lëshojë një thirrje të re për një bllokadë detare. Rreth 126,000 emigrantë raportohet të kenë mbërritur në Itali deri më tani këtë vit, pothuajse dyfishi i shifrës në të njëjtën datë në 2022.