Mbrëmjen e djeshme, një shpërthim tritoli ka alarmuar qytetarët në Sarandë.
Objektivi i shpërthimit ka qenë Mariel Murati, pronar i një hoteli dhe ish drejtori i ALUIZINI në Sarandë. Murati ka qenë edhe vitin e kaluar pre e një shpërthimi të ngjashëm me tritol po në hotelin e tij.
Një vit më parë, më 9 shkurt të vitit 2021, në të njëjtin hotelin u vendos sërish një sasi tritoli në tarrace, e cila shpërtheu sapo roja ndezi dritën. Policia konfirmoi se tritoli ishte i lidhur me rrymën elektrike dhe sapo roja në atë kohë është futur brenda godinës dhe ndezi dritën shpërtheu edhe sasia e eksplozivit.
Nga ngjarja e vitit të kaluar nuk pati lëndime në njerëz, por vetëm dëme materiale..
Mariel Murati më herët ka qenë drejtor i ALUIZNI-t në Sarandë. Nuk dihet ende nëse ngjarja ka lidhje me detyrën, apo konflikte të tjera të mundshme që mund të ketë pasur pronari i hotelit.
Kujtojmë, se edhe dy ditë më parë, drejtoresha socialiste ra pre e një shpërthimi.
Në makinën Range Rover të Suida Kukës, drejtoreshë e Operatorit të Kujdesit Shëndetësor në Shkodër, ishte vendosur eksploziv me telekomandë në gomën e parë të makinës.
Kuka, arritit t’i shpëtonte mrekullisht atentatit, ndërsa në reagimin e saj ajo deklaroi se nuk ka pasur asnjë konflikt.