Një ngjarje e rëndë është raportuar në SHBA, ku një djalë 6-vjeçar është qëlluar aksidentalisht me armë nga një 9-vjeçar e për pasojë ka ndërruar jetë. Ngjarja ka ndodhur në Jacksonville rreth orës 14:45 në një shtëpi në lagjen Duclay në Shady Pine Street South.
JSO tha se po përpiqet të mësojë se si fëmija e mori armën, por është shumë herët për të treguar nëse arma ishte e siguruar siç duhet. Njerëzit në lagje thanë se janë të tronditur nga tragjedia, shkruajnë mediat e huaja.
“E tmerrshme, më thyen zemrën”, tha një fqinj për News4JAX.
Fatkeqësisht, ky nuk është një incident i izoluar. Sipas të dhënave të nxjerra nga News4JAX, 15 fëmijë janë qëlluar deri më tani këtë vit, katër prej tyre kanë rezultuar me vdekje dhe tre prej tyre, përfshirë të hënën, janë konsideruar si aksidentale.
Në dy nga të shtënat aksidentale, policia arrestoi të rritur për abuzim me fëmijë dhe akuza të tjera. Një përfaqësues me Spitalin Mbarëkombëtar të Fëmijëve tha se prindërit nuk po bëjnë pjesën e tyre për t’u siguruar që fëmijët të mos arrijnë te këto armë.