Një prej korrierëve të trafikut ndërkombëtar të kokainës, është “gozhduar” nga hetuesit për shkak të përgjimeve.
Bledar Shtembari është kreu i bandës rivale të mafies së Viterbos, që merrej me trafikun e kokainës, i cili u arrestua në kuadër të operacionit “Undergorund”.
“Lumenjtë” e kokainës nga Belgjika në Shqipëri, trafikoheshin më pas në Tuscia për të kaluar tek një rrjet tregtarësh të vegjël lokalë të drogës.
Shtatë persona përfunduan në burg, në operacionin e 13 qershorit 2019, ndërsa pesë të tjerë u dënuan me arrest shtëpiak. Dymbëdhjetë masa parandaluese. Nga 23 persona të hetuar, 11 ishin shqiptarë, 7 italianë, 3 maqedonas, një bjellorus dhe një rumun.
Midis shtatë shqiptarëve që përfunduan në pranga është Erjon Collaku, 40 vjeç, i cili mbeti i arratisur për disa ditë dhe më pas u arrestua në Spanjë, ndërsa përpiqej të humbte gjurmët në vendin Iberik. Sipas hetuesve të Romës ai kishte rolin e “korrierit” ndërkombëtar, brenda grupit kriminal.
Ai është i vetmi që po gjykohet në Viterbo. Ai i hodhi poshtë akuzat, por përgjigjem e “gozhduan”.
Sapo droga mbërriti në zonë, ajo u “prerë”, u nda në doza dhe u vendos në kavanoza qelqi, me oriz brenda për ta mbrojtur atë nga lagështia. Prandaj, kontejnerët ishin fshehur në zonat e fshatrave pranë kryeqytetit.
I akuzuari tjetër, Erjon Collaku është i vetmi që ka zgjedhur ritin e zakonshëm, para kolegjit të gjykatës së Viterbo-s.
Bosi i dyshuar i grupit, Bledar Shtembari i njohur si Bledi, 45 vjeç, i parregullt në territorin italian dhe që ka jetuar për vite me radhë në Viterbo, ndodhet në burgun e Frosinone.
Grupi i tij ishte konkurrent i grupit kriminal të bosit të mafies në Viterbo, Ismail Rebeshi, i cili synonte kontrollin e plotë.
Mbërritja e Collakut në Itali
Pasi kishte mbërritur në Itali në qershor 2016, Collaku do të kishte qenë një nga korrierët e bandës së trafikantëve të drogës. Hetuesit kanë përgjuar disa biseda kur ai ishte në makinë me shefin e pretenduar Bledar Shtembari. Prokurori Fasanelli kërkoi transkriptimin, si dhe ato të përgjimeve të tjera midis të dyshuarve të tjerë, të dobishëm sipas magjistratit për të demonstruar lidhjen e grupit.
Teksa mblidhen provat ndaj tij, gjyqi i plotë ndaj grupit pritet të zhvillohet në tetor, ku më datë 2 të atij muaji do të merren në pyetje gjashtë dëshmitarët e parë për prokurorinë.
Gjyqi në Romë ndaj katër anëtarëve të tjerë
Katër prej tyre, pas pranimit të kërkesës së menjëhershme, kanë zgjedhur të gjykohen me rit të shkurtuar, i cili lejon uljen e një të tretës së dënimit. Ata janë Armand Cuni, 45 vjeç, që jeton në Viterbo; Fatjan (Fation) Sopi, gjithashtu shqiptar, 29 vjeç, me banim në Canepina; bashkatdhetari Mario Kelmendi, 24 vjeç, gjithashtu banues në Canepina si dhe Rudenc Medolli, 38 vjeç, banues në Terni.
Hetimet nisën pas një serie episodesh të dhunshme kundër të njëjtës viktimë, një maqedonas, rrëmbyer dhe kërcënuar me armë në shtator 2015 dhe viktimë e një tjetër rrahjeje brutale nga e cila nga e cila përfundoi në spital mbrëmjen e 13 maj 2016. I detyruar të shkonte në urgjencën e spitalit Belcolle, ai rrëfeu gjithçka para hetuesve.