Humbja në derbin me Partizani 2-1 nuk është falur te Tirana. Bardheblutë kanë shkarkuar trajnerin Julian Ahmataj. Klubi 26 herë kampion ka larguar Ahmatajn nga roli i trajnerit, por me shumë mundësi do t’i besojë atij postin e drejtorit teknik.
Kujtojmë se Ahmataj ishte në krye të stolit të Tiranës, pas largimit të Orges Shehit. Me 18 ndeshje në kampionatin shqiptar, 44-vjeçari fitoi 6 ndeshje, po aq dhe humbi e barazoi. Me një golavarazh 32 gola të shënuar dhe 27 të pësuar.
Mësohet se vendin e tij do e marrë Erbim Fagu. Fagu në sezonin 21/22 ka qenë trajner i ekipit U21 të bardhebluve.Gjithashtu 36-vjeçari karrierën e tij futbollistike e nisi tek ekipi i vendlindjes së tij.