Bekim Balaj është goditja më e fortë e bërë nga klubet e Superiores dhe është një mesazh i qartë për kundërshtarët. Nëse problemet e Vllaznisë janë lidhur gjithnjë me mangësitë para portës, tani goleadori rikthehet të marrë përsipër ekipin e vendlindjes. 33-vjecari fiksoi dy golëshin në ndeshjen e fundit kundër Tiranës. Balaj gjithmonë ka treguar potencialin me ekipet e mëdha, por me Tiranën ndjesinë e golit e ka më të fortë.
2 realizime në sezonin e kaluar në fitoren 3-1, dy gola në fazën e parë të këtij sezoni, në atë barazim 2-2 spekakolar në Loro Borici dhe së fundmi, në takimin e zhvilluar në Roza Haxhiu të Lushnjës.Pas golit të parë shënuar nga penallita, e dyta ishte manual i qendrueshmërisë, që rrallë i gjen të unifikuara në staturat e sulmuesve më profilik të Superiores. Statistikat flasin vetë, 7 gola në10 ndeshje.
Fillimi i këtij sezoni është premtues, ndoshta edhe sfidues për ët gjithë sulmuesit. Itodo Mandela, Rashica, Bintsuka apo Christian Mba duhet të impenjohen shumë për t’ia vështirësuar sezonin Balaj-t, që pas fitimit si golashënuesi i sezonit të kaluar, kërkon trofeun individual, ndoshta me golat e tij mund të gjejë shtegun e titullit të Vllaznisë, që mungon prej vitesh.