Kategoria Superiore është në pauzë për shkak të ndeshjeve të kombëtares, por te Tirana nuk kanë shumë kohë për të humbur.Bardheblutë kanë nisur përgatitjet për ndeshjen e radhës.
Kundërshtari i radhës do të jetë Bylisi, sfidë që do të luhet në “Adush Muça”. Një përballje shumë e rëndësishme dhe për këtë Bledi Shkëmbi ka vendosur që skuadra të vazhdojë seancat stërvitore. Ajo që shqetëson teknikun është gjendja fizike e Arhan Isuf, mbrojtësi bullgar nuk ishte në ndeshjen e fundit ndaj Egnatias. 25-vjeçari vazhdon të stërvitet i diferencuar, gjithashtu edhe Fatmir Prengaj, sulmuesi pas ndeshjes me rrogozhinasit ka shfaqur një problem në kofshë, dhe stafi mjekësor po monitoron me kujdes gjendjen e sulmuesit.