I mbani mend paketimet e disa objekteve që kur ishim të vegjël i kishim aq fiksim prej flluskave që i plasnim pafund. Epo dikujt i ra në mendje të krijonte një lodër të ngjashme me qeset plastike që na argëtonin kur ishim të vegjël.
‘Pop It’ është thjesht një disk silikoni që ka forma flluskash të cilat mund t’i fusni në një anë dhe t’i nxirrni tek tjetra, e të luani pafundsisht me to. Vijnë në forma dhe ngjyra të ndryshme, por thelbi është i njëjtë. Loja u bë e njohur në ‘Tik Tok’, ku hashtagu përkatës ka marrë mbi 3.3 miliardë shikime.
Kjo lojë ama ka disa përfitime për fëmijët, ndaj këshillohet pasi ndihmon për përqëndrimin e veçanërisht për fëmijët që kanë çrregullime. Gjithashtu loja ndihmon në fokusimin dhe menaxhimin e emocioneve. Për të luftuar stresin, së fundmi është përdorur shumë dhe nga të rriturit.