Tërmeti i fuqishëm 6.6 ballë që tronditi Kinën ka sjellë numër lartë viktimash, teksa numri i personave që kanë humbur jetën ka shkuar në 65.
Lëkundjet u ndjenë në orën 13:00 me orën lokale në provincën Sichuan dhe ishin me thellësi prej 6 miljesh.
Lëkundjet e mëdha shkëputën linjat e telekomunikacionit dhe shkaktuan rrëshqitje dherash që sollën “dëme serioze”.
Ndërkohë rreth 21 milionë njerëz në kryeqytetin e Sichuan, Chengdu, javën e kaluar u urdhëruan të qëndrojnë në shtëpi për shkak të rregullave të Covid.
Epiqendra e tërmetit ishte në Luding, një qytet në një rajon të largët malor që ndodhet rreth 226 km në jugperëndim të Chengdu.
“16 persona të tjerë u zhdukën dhe 50 u plagosën,” raportuan autoritetet.
Lëkundjet tronditën ndërtesat në Chengdu dhe në mega-qytetin fqinj të Chongqing, duke lënë rrugë të bllokuara dhe duke ndërprerë linjat e komunikimit në zonat ku jetojnë më shumë se 10,000 banorë.
Goditjet detyruan gjithashtu disa termocentrale të mbyllen në zonat e Garze dhe Ya’an, tha CCTV.