UEFA ka vendosur gjyqtarët që do të vendosin drejtësi në sfidën Republika Çeke-Shqipëri. Një emër i madh i arbitrimit është zgjedhur që do të gjykojë këtë sfidë të rëndësishëm për Kombëtaren kuqezi dhe bëhet fjalë për Anthony Taylor.
44-vjeçari anglez cilësohet si arbitri më i mirë në Premier League për momentin, por kontestimet ndaj tij kanë qenë gjithnjë të shumta, si finalja e Europa League midis Sevillas dhe Romës, që bëri Jose Mourinhon të tërbohej dhe ta priste në parking për ta kritikuar.
Së bashku me Taylor, tre asistentët e tjerë të tij do të jenë anglez. Gery Besvik, Li Bets dhe Kreig Pavson, ndërsa sa i përket dy gjyqtarëve që do të jenë në VAR nuk janë zgjedhur akoma.