Policia holandeze ka parandaluar një sulm në qendrën e vaksinimit në qytetin Den Helder.
Siç raportojnë mediat holandeze, policia ka arrestuar 37-vjeçarin nën akuzën se kishte planifikuar të kryej sulm terrorist.
Ky burrë planifikonte të vente mjet shpërthyes në qendër për të sabotuar vaksinimin, por ai është ndaluar nga organet e sigurisë.
Gjykata ka njoftuar se i tërë rasti po cilësohet si vepër terroriste, me qëllim që të frikësoj banorët dhe të shkaktoj destabilizim ekonomik.
Ndryshe në janar, holandezët kanë protestuar për shkak të masave epidemiologjike dhe mbylljes totale – madje janë regjistruar edhe sulme në qendra të testimit.