Protesta para Kryeministrisë me moton “Dje, sot, nesër, përjetë bashkë”ka nisur këtë të premte.
Qytetarët janë mbledhur për të treguar mbështetje për Kosovën, në lidhje me zhvillimet e fundit në veri të vendit dhe vendimin e qeverisë shqiptare për të anuluar mbledhjen Shqipëri-Kosovë të planifikuar të mërkurën në Gjakovë.
Me thirrjet “as jug as veri, Mitrovica është Shqipëri”, qytetarët kanë kërkuar nga kryeministri Edi Rama që të mbështesë pa kushte Albin Kurtin dhe të ndërpresë marrëdhëniet me sllavët.
“I lutem kryeministrit shqiptar të mbështesë pa kushte Albin Kurtin, o sot o kurrë. Ne me sllavët po të njëjtin problem kemi. I lutemi kryeministrit të shkëputet nga marrëdhëniet me sllavët, të mbështesë qeverinë e Kosovës pa kushte. Duhet ta mbështesë Albin Kurtin”,-tha një qytetar.