Tirana është përfshirë gjatë ditëve të fundit nga moti i ftohtë i karakterizuar nga temperatura mjaft të ulëta. Nisur nga kjo situatë, Ujësjellësi i Tiranës ka njoftuar qytetarët të marrin masa për mbrojtjen e sistemit të brendshëm ujësjellës.
Qytetarët që jetojnë në katet përdhese këshillohen që të mbulojnë ose të izolojnë tubacionet kur janë të ekspozuara me ambientin e jashtëm, për të siguruar një mbrojtje optimale.
UKT i bën thirrje qytetarëve që për çdo problematikë të kontaktojnë në numrin e telefonit 08004488 ose të drejtohen në të gjitha pikat e tij pranë zonave të tyre të banimit.
Njoftimi i plotë
Një njoftim i rëndësishëm për qytetarët e Tiranës!!
Temperaturat sa vijnë e po ulen çdo ditë e më shumë, ndaj marrja e disa masave parandaluese, na mbron përgjatë çdo vështirësie në familjet tona!
Ne duam t’ju japim disa këshilla, se si të kaloni sa më lehtë këto ditë të ftohta dimri!UKT sugjeron për mbrojtjen e sistemit të brendshëm të rrjetit ujësjellës dhe ruajtjen e matësave të ujit, që:Të tregojmë kujdes dhe kontroll ndaj tubacioneve/instalimeve brenda pronës tuaj, përfshirë këtu edhe ujëmatësit. (Të brendshëm ose të jashtëm), për shkak të kushteve atmosferike!Në katet përdhese, ku tubacionet janë më të ekspozuara me ambientin jashtë dhe rrjedhjet janë më potenciale, lutemi të mbuloni apo izoloni ato, për një mbrojtje optimale!
Ne jemi në gatishmërinë tuaj, çdo ditë, në çdo orë!Ju lutem sinjalizohuni për çdo problematikë në numrin tonë 08004488 dhe në “Pikat UKT” pranë zonave tuaja të banimit.