Njerëzit mund të përpiqen të ndrydhin lotët nëse i shohin si një shenjë dobësie, por shkenca sugjeron që ta bësh këtë mund të nënkuptojë humbjen e një sërë përfitimesh. Këto janë pasojat pozitive që vijnë si pasojë e lotëve, ndaj, herën e ardhshme që do të përpiqeni të mos qani, mendohuni dy herë.
1. Ka një efekt qetësues
Një studim i vitit 2014 zbuloi se të qarit mund të kenë një efekt të drejtpërdrejtë qetësues te njerëzit. Studimi shpjegoi se si të qarit aktivizon sistemin nervor parasimpatik (PNS), i cili i ndihmon njerëzit të relaksohen.
2. Merrni mbështetje nga të tjerët
Përveçse i ndihmon njerëzit të qetësohen, lotët mund t’i ndihmojnë njerëzit të marrin mbështetje nga të tjerët rreth tyre. Siç shpjegon ky studim i vitit 2016, të qarit është kryesisht një sjellje lidhëse, pasi mbledh mbështetjen nga njerëzit përreth. Kjo njihet si përfitim ndërpersonal ose social.
3. Ndihmon në lehtësimin e dhimbjeve
Hulumtimet kanë gjetur se përveç që është qetësues, derdhja e lotëve emocional çliron oksitocinë dhe endorfinë. Këto kimikate i bëjnë njerëzit të ndihen mirë dhe gjithashtu mund të lehtësojnë dhimbjen fizike dhe emocionale. Në këtë mënyrë, të qarit mund të ndihmojë në uljen e dhimbjes dhe promovimin e një ndjenje mirëqenieje.
4. Rrit humorin
Të qarit mund të ndihmojë në ngritjen e humorit të njerëzve dhe t’i bëjë ata të ndihen më mirë. Përveç lehtësimit të dhimbjes, oksitocina dhe endorfina mund të ndihmojnë në përmirësimin e humorit.
5. Lëshon toksinat dhe largon stresin
Kur njerëzit qajnë si përgjigje ndaj stresit, lotët e tyre përmbajnë një sërë hormonesh stresi dhe kimikate të tjera. Studiuesit besojnë se të qarit mund të zvogëlojë nivelet e këtyre kimikateve në trup, të cilat, nga ana tjetër, mund të reduktojnë stresin. Megjithatë, nevojiten më shumë kërkime në këtë fushë për ta konfirmuar këtë.