Ndërsa shijon shtatzaninë, Einxhel Shkira i ka dedikuar disa fjalë emocionuese nënëns për ditën e saj të lindjes. Duke rikthyer në qendër të vëmendjes historinë e trishtë që ndau vjet në Big Brother për të ëmën, Einxhel njoftoi ndjekësit e saj se fatmirësisht nëna është më mirë nga ana shëndetësore.
Moderatorja u shpreh se “ilaçi ka qenë lumturia”, duke shtuar se nëna e saj është gruaja më e lumtur në botë që ditëlindjen tjetër do e festojë me nipin në krahë, por i ka ‘premtuar’ edhe një mbesë.
“Vjet dëshira e saj për ditëlindje ishte të hyja në ‘BBV’ pa e ditur se ai ‘qiri’ do i plotësonte më shumë se thjesht një dëshirë. Tashmë të njohin të gjithë dhe të adhurojnë pavarësisht se nuk të kanë takuar kurrë! Të duan aq shumë sa unë emocionohem kur vijnë me vrap kudo që më shohin thjesht të më pyesin ‘Si është mami Lola?’ Për të gjithë ata që nuk më kanë takuar dot, por më shkruajnë shpesh për ty, dua t’ju them që edhe pse sot është hera e fundit që feston thjesht si nënë ditëlindjen, ajo është gruaja më e lumtur në botë që vitin e ardhshëm, dashtë Zoti, do e festoj me nipin e saj në krahë. Lumturia paska qenë ilaçi çudibërës për të! Shpresoj që bebi të trashëgojë jo vetëm bukurinë, por të gjithë mirësinë e shpirtit tënd. Të duam shumë, unë, bebi dhe Dagz”- shkroi Einxhel në Instagram.