Sylvinho mbetet “pa krahe”. Dëmtimet duket se janë kthyer në një problem për Kombëtaren shqiptare, pak muaj para kualifikueseve të Kupës së Botës. I fundit që i shtohet listës dhe bën me “dhimbje koke” Sylvinhon është Mario Mitaj.
Mbrojtësi ka pësuar një dëmtim në muskujt e poshtëm abdominal. Talenti kuqezi ka nisur menjëherë terapitë përkatëse për t’u rikuperuar në kohë. Ende nuk dihet se sa do të jet ëperiudhë që do të qendrojë jashtë fushës së blertë.
“Kthimi i plotë në stërvitje do të jetë në varësi të progresit të riaftësimit”, shkruhet në njoftimin e klubit.
DËMTIMI I HYSAJ-t
Në mënyrë të pabesueshme fati i keq ndjek ekipin përfaqësues, pasi në momentin e tyre më të mirë, Sylvinho sheh t’i dëmtohet dy anësorët e tij titullar, Hysaj dhe Mario Mitaj. Ajo që stafi mjekësor i Lazio-s i druhej më shumë është bërë konkret, pasi rezonanca magnetike vërtetoi se Hysaj ka pësuar një dëmtim të shkallës së mesme në bicepsin femoral të kofshës së majtë. Hysaj u pa duke çaluar teksa po dilte nga klinika mjekësore e Lazios. Sipas mediave italiane, një dëmtim i tillë pritet ta mbajë larg fushës së lojës për të paktën 40 ditë.
Comments are closed
Add Comment