Superkupa, finalja dhuroi emocione dhe rivalitet të fortë, me Dinamon që doli fituese ndaj Egnatias me rezultatin 1-3. Ndeshja u zhvillua në një atmosferë të zjarrtë, ku të dyja skuadrat treguan vendosmëri dhe lojë të hapur. Egnatia e nisi më mirë takimin dhe kaloi në avantazh që në minutën e 9-të, kur Ruçi realizoi golin e parë, duke ndezur entuziazmin e tifozëve. Megjithatë, Dinamo reagoi në pjesën e dytë, duke marrë kontrollin e lojës dhe duke shtuar presionin.
Barazimi erdhi në minutën e 54-t, kur Bregu shfrytëzoi një aksion të ndërtuar bukur dhe dërgoi topin në rrjetë. Vetëm pesë minuta më vonë, Nani vulosi përmbysjen, duke shënuar golin e fitores në minutën e 59-të.
Në fund realizoi Qefalija nga pika e bardhë e penalltisë. Pas këtij momenti, Dinamo administroi me qetësi rezultatin, duke mos i lënë hapësira Egnatias për të reaguar. Me këtë fitore, Dinamo triumfon Superkup-a dhe shton një tjetër trofe të rëndësishëm në historinë e klubit.