Partizani vijon përgatitjet për sfidën e kthimit ndaj Atletic Club d’Escaldes, e vlefshme për raundin e dytë të Ligës së Konferencës. “Demat e Kuq” të drejtuar nga trajneri Zekic do të kërkojë me çdo kusht kualifikimin pas triumfit 0-1 në duelin e parë në transfertë.
Ndërkohë nëpërmjet një postimi në faqen zyrtare, klubi i kuq ka bërë me dije se Mensah rezulton mungesa e vetme për takimin e kthimit. Sulmuesi iu nënshtrua një ndërhyrje kirurgjikale teksa u operua nga apandesiti acut. Dueli mes Partizanit dhe kampionëve nga Andorra do të zhvillohet të martën e datës 1 gusht në “Air Albania Stadium”.