Shqipëria ka hedhur pas shpinë humbjen ndaj Kilit dhe tashmë të hënën do të sfidojë Suedinë, në ndeshjen miqësore që do luhet në “Friends Arena”, me fillim nga ora 19.00. Shqipërina synon të reagojë, pas disfatës me Kilin, e cila la shije të hidhur te tifozët.
Sa i takon ndeshjes me suedezët, statistikat nuk flasin në favorin tonë, pasi në 5 përballjet e fundit direkte, jemi mposhtur në 3 prej tyre, sakaq numërojmë 1 fitore dhe 1 barazim. Sipas informacioneve më të fundit, në Suedi pritet të jenë rreth 3 mijë shqiptarë. Një numër i tillë tregon se sektori ku qendrojnë tifozët miq do të jetë i mbushur.