Vangjel Zguro nuk do të jetë pjesë e kampionëve të Struga Trim Lum. Mbrojtësit i përfundoi kontrata. Zguro u bashkua me skuadrën strugane verën e vitit të kaluar, kur erdhi nga rradhët e Bylisit nga kampionati shqiptar. 31-vjeçari zhvilloi 38 ndeshje mes kampionatit dhe ndeshjeve europiane, duke regjistruar 3 gola dhe 7 asistime.
Zguro që të tre golat i realizoi në ndeshjet e Ligës së Parë, aty ku në fund doli të jetë kampion, duke shtuar në CV-në e tij edhe një titull tjetër, pas trofeut të Kupës së Shqipërisë të fituar me Kukësin. Zguro mund të jetë një alternativë e mirë për ekipet e Superiores, pasi eksperienca e pogradecarit mund të vlejë në krahun e majtë të mbrojtjes.